Isa 20 | Ndebele | STEP | Ngomnyaka wokufika kukaTharithani eAshidodi , lapho uSarigoni inkosi yeAsiriya emthuma, lapho walwa leAshidodi wayithumba;

Isaiah 20

IAsiriya izanqoba iGibhithe leEthiyophiya

1 Ngomnyaka wokufika kukaTharithani ^a eAshidodi ^b, lapho uSarigoni inkosi yeAsiriya emthuma, lapho walwa leAshidodi wayithumba; 2 ngalesosikhathi iNkosi yakhuluma ngesandla sikaIsaya ^c indodana kaAmozi isithi: Hamba, ukhulule isaka ^d ekhalweni lwakho, ukhuphe inyathela lakho enyaweni zakho. Wasesenza njalo, ehambaze ^e engafakanga manyathela ^f. 3 INkosi yasisithi: Njengalokhu inceku yami uIsaya isihambeze ^g ingafakanga manyathela ^h okweminyaka emithathu ⁱ, kube yisibonakaliso lesimanga ^j phezu kweGibhithe laphezu kweEthiyophiya ^k; 4 ngokunjalo inkosi yeAsiriya ^l izaqhuba abathunjiweyo beGibhithe labaxotshiweyo beEthiyophiya ^{m
,} ⁿ, abatsha labadala, beze ^o bengafakanga manyathela ^p, lezibunu zisegcekeni ^q, kube lihlazo eGibhithe. 5 Basebesethuka baba lenhloni ^r ngeEthiyophiya ^{s
,} ^t ithemba labo, langeGibhithe udumo lwabo ^u. 6 Abahlali balesisihlenge bazakuthi ngalolosuku: Khangela, linjalo ithemba lethu, lapho esabalekelela usizo khona ukuze sikhululwe ebusweni benkosi yeAsiriya. Pho, thina sizaphunyuka njani?